Cosa dir? Beh prima de tuto che se no savé dove xe sto posto xe mejo per voi che cambié sito.
La comision ghe xe andada sabato sera con rosso che fazeva le veci del presidente, commissario, commissario2 e 12polizei; se semo limitadi a bianco e nero ma sarà necessaria un’altra visita per approfondir i giudizi.
Comunque la fauna xe sempre più giovane ma i numeri xe sempre notevoli; bisogna però dir che i personagi de una volta non se vedi più (ricordemo la coppietta denominada “Bocucia de rosa” e “Stomigo de fero”) e anche i veci che iera sempre là sta molando el colpo e i lasa spazio ale nove generazioni.
Ormai manca anche i numeri coi auti sule strade de Piscianzi quando se trovava auti nei fossi o dentro ai boschi; anche qua una menzion al pontisel dove tanti ghe ga lasà portiera fazendo la fortuna dei carozieri.
Concludo disendo che el vin va sempre zo che xe un piazer e rimandandove a magiori detagli che i salterà fora dopo la prosima visita.
Presidente
commissario
segretario
Der Kommissar
rosso
a quando l’assaggio infrasettimanal?
Ahi ahi ahi!
Vin bianco sai scadù.
Anche el nero….
Poi no fa più de magnar caldo perché i ghe ga tirà le rece con un controlo.
Silvano ssai el se incaza coi zovini che canta a squarciagola…
La nona che fine ga fato?
I ga sianà la collina per far parcheggi.
No xe più el piscianzi de una volta.
Poco de dir: per el magnar e el bever sta edizion dicembrina de Pis’cianzi xe veramente triste! Speremo ben per maggio prossimo.
Devo inveze far alcuni appunti al signor Presidente:
Silvano no se incazza coi zovini che canta, solo con quei che ghe spreca legni de arder portando la temperatura a 300°C
La nonna xe al pian de sora come sempre: la setimana scorsa la gavemo anche saludada.
I parchegi novi xe stadi fati almeno un 3 anni fa…
Quoto comunque el “No xe più el piscianzi de una volta”: che fine ga fato “Babbo Natale Alcol” (alias Sergio)? E el cagneto Nerina? E tuti i VECI abituè del logo? E tuti i VECI e basta?
[...] un paio de anni se gavemo deciso de valutar sta osmica. In dicembre del 2009 gavemo za qualcossa scrito, ma mancava la [...]