Agriturismo Ušaj a Aurisina

In quel de Aurisina ghe xe sconto sconto l’agriturismo Ušaj (ga anche el sito). Go dito sconto perché più de qualchedun se ga perso. Allora per arrivarghe bisogna ‘ndar in piazza de Aurisina con la cesa, drio el pub Bunker, per chi sa dove xe el pub e prender la seconda strada a destra della cesa, su un pal che xe l’indicazion del sentier 32.  Se fa una 50 de metri  driti, se gira a sinistra e subito dopo ghe xe l’agriturismo. Xe verto da venerdì a lunedì. Semo andai qua appunto perché proprio un lunedì alla rizerca de un posto dove andar el fine settimana lo gavemo trovà verto.

Niente cossa de dir, magari che ein zwei polizei sto lunedì che semo andai ga fato le veci del comissario esator, e ga scrocca una grappa al basilico.

Punteggi:

Nero: 5 (tenindo conto del’annata sfavorevole per i neri xe un bon punteggio)

Bianco: 4 o 3 (non me ricordo ben, ma se beveva anche ben)

Magnar: 4 (bone robe: ljubljanske, njoki de pan col gulash)

Ambiente: 3

Coampagnia: 3

Costi: ? (ga pagà el presidente)

L’unica ne ga fato impresion sti muri bianchi lindi, che nisun non ga ancora ribalta sora un bicer de vin. Li pitura ogni volta che se ribalta sora un bicer de vin? Rimarremo nel mistero.

Su e zo pel carso

Ecco alcuni indizzi per incontrar la commission in questo inverno particolarmente mite

Questa presentazione richiede JavaScript.

Cren con porchetta (o lingua?) del Presidente

El Presidente iera affamà e ga ciolto sto piatto de cren con porchetta (o lingua?).
In caldaia ghe iera el paron. Se vedi che conossi el presidente!

In una certa serata di luna piena…

…  parte dela commission xe stada de Milic a Sagrado.

Quando xe stado? Perchè i iera de quele parti? Perchè no i iera tuti?

Troppo tempo xe passado per gaver risposte a questi inquietanti interrogativi, e come ga dito quel “the answer my friend, is blowin in the vin“.

Sia quel che sia, xe sta bevù del bianco e del nero e, vista l’ora (no iera neanche le 6pm), xe sta magnà vizin un stuzighin. Ma sicome un litro tira l’altro, e le ore intanto le camina, se ga dovesto a un certo punto ciamar anche gnocchi&carnazza.

Morale dela favola:

vin bianco: 4

vin nero: 3

affettati :5

piati caldi: 2

ambiente:4

compagnia:2

Note: pecà per i piati caldi, perchè tutto iera inizià nel miliore dei modi. Un bianco che andava zo benissimo prodotto senza solfiti. El nero no iera alla sua altezza ma un bicer dopo l’altro nol iera poi malaccio. I formaggi col oietto e l’affettato “X” (iera prosuto? ombolo?e chi se ricorda più!!!!) iera speciali. La delusion xe rivada coi primi poco gustosi, ma pazienza. La commission se ga rifatto in altre occasioni!

Co i locali xe chiusi… (Recension dell’enoteca de Sistiana)

… bisogna ripiegar. Domenica, giorno de nadal, se dovevimo trovar al Why not a Sistiana. Ma siccome , come de tradizion a Trieste, el giorno de Nadal chiudi tutto, anche el Why not iera chiuso.

Però vicin al Why not ghe xe un enoteca, che gavemo sempre ingiustamente ignorado e Vice Presidente se ga deciso de spettar gli altri in sto posto ameno. Niente da dir, posto pulito, gente cocola, ma non posso far valutazioni come per un osmiza.

La roba degna de nota xe che ne ga offerto un vin che de solito non ghe dessimo due lire (anche perché gavemo solo euro). Vice Presidente ga ciolto un verduzzo classico, ma per el Presidente e per commissario, ga proposto vini de Sturman, uno ga ciolto una vitovska, che reputava leggera e l’altro un vin frizzante.

Prezzi nella norma e comunque tien verto dalle 17 alle 24, ogni giorno, Nadal, San Silvestro e Capodanno compresi.

Le grandi notizie del giorno: Incredibile a Udine: scozzese ricoverato con 8,3 g/l di alcol. Poi si sveglia e se ne va

Una volta tanto scrivo per talian, cussi tutti capissi.

Udine 16 dicembre 2011 – L’incredibile stagione dell’Udinese sarà ricordata per un altro incredibile record stabilito in occasione della partita fra i bianconeri e gli scozzesi del Celtic. A farlo registrare però non è Di Natale ma un tifoso scozzese che non si è certo risparmiato nei festeggiamenti pre  partita. Alcol a  fiumi ovviamente. E quando si parla di fiumi in questo caso non è certo un eufemismo. Un baldo tifoso scozzese infatti ieri nel tardo pomeriggio nel pre partita è stato condotto presso l’ospedale civile di Udine dove è stato soccorso dai sanitari mentre era privo di conoscenza. Dopo due ore di sonno profondo l’uomo scozzese si è risvegliato ed è uscito dall’ospedale e oggi era già di nuovo in Scozia. Potrebbe essere uno dei soliti episodi di etilismo acuto ma non lo è. L’uomo infatti aveva fatto registrare un tasso alcolemico di 8,3 g/l. Una dose capace di stendere un dinosauro a detta di esperti e medici.

(Fonte: www.udine20.it)

Pisčanci 2

Dopo un paio de anni se gavemo deciso de valutar sta osmica. In dicembre del 2009 gavemo za qualcossa scrito, ma mancava la votazion.

Eccola.

Bianco: 2 La valutazion xe difficile. El vin va zo ma el confronto coi anni precedenti xe abbastanza impietoso.

Nero: 3 almeno mi me ricordo che la valutazion xe costante. Meio del bianco ma anche qua se pensemo ai bei tempi andai….

Magnar: 4 anche se xe el dubbio che xe comprà.

Ambiente: 5 sto panorama se lo podessi sognar.

Costi: 3, una volta iera cara deso la xe in media con le altre.

Compagnia: 5 anche qua, ierimo prima per un 3 perché  mancava i personaggi storici (tipo babbo natale, scultore e prof de francese). Dopo però nell’ordine: xe rivada una cantante lirica australiana che cantava e beveva sai ben (da notarse ierimo sentai fora e el termometro dela mia macchina segnava 2 gradi); la tipa iera accompagnada (musicalmente) da un omo identico al killer Paganini (se non savè chi che xe guardé el film “Altrimenti ci arrabbiamo”).  Andando a pagar dopo gavemo sentì uno ordinar le trape “dame quel basta che brusi”; per finir col omo in giaca e cravata che biassicava al banco. E gavemo dado un 5 con menzion particolare.

Bertocchi

L’ultima osmiza slovena dell’anno se trova sula strada per Capodistria vizin ai bidoni dell’Istrabenz, se seguì le frece non sbaglié.

Bever 2: mejo del petrolio dell’Istrabenz ma, insomma, disemo che lasa parecchio a desiderar. Se proprio dovè bever el bianco xe leggermente meio del nero. La cocta xe preferibile ma xe carissima.

Magnar, 4: niente mal, anzi parecchio bon, pecà che bisogna accompagnarlo con quel vin.

Ambiente 2: casa de campagna vizin ai bidoni de petrolio.

Compagnia 4: bisogna andar el sabato sera quando xe pieni de gente imbriaga anche i prati intorno. Personaggi no manca mai ma se se chiedi sempre come la gente fa a imbriagarse co sto vin e che effetti ga el giorno dopo.

Costi 1: sai cara se comparada alle altre osmize slovene.

Xe verta fin domenica quindi, siore e siori, no ste perder tempo, salté in auto e andé là.

Consigli (comission per el sociale)

Villach